AQSh Prezidentiniń uly kishi Donald Tramp Mońǵoliiada qazaq kiiz úiine qonyp, demalysyn ótkizip qaitty. Alǵan áseri týraly ol Instagram paraqshasynda jazdy, dep habarlaidy QazAqparat.
«Jigitter, ulym Donnimen birge kiiz úide ótken ómirdi de kórdik. Ótken aptada Mońǵoliiany zertteýge shyqqan edik. Uzaq shaqyrymdardy atpen, keiin 4WD-men basyp óttik. Jýyq arada áli de fotolardy salamyn. Shynynda da, bul jaq – men kórgen eń kórkem jerlerdiń biri. Adamdardan jylylyq pen meiirimdilik esip tur. Osynaý keremet tájiribeden keiin áleýmettik jelige qaityp kelgen birtúrli eken», - dedi Donald Tramp.
Kishi Donald Tramp paraqshasyna Mońǵoliia jerin aralaý kezindegi birneshe fotony júktegen.
Montsame saitynyń habarlaýynsha, AQSh prezidentiniń uly Baian-Ólgei aimaǵynda bolǵan. Hýiten-Orgil (Sýyq shyń) taýyn baǵyndyrý úshin Altai-Tavan-Bogd taýlaryn betke alǵan. Ulan-Batyrdaǵy AQSh elshiligi memlekettik mańyzdaǵy sapar bolmaǵandyqtan, qosymsha aqparattan beihabar ekenin jariia etken.
Al Mońǵoliia prezidenti Haltmagiin Battýlga Donald Tramptyń 13 jastaǵy uly Berron Trampqa tulpar syilaǵany týraly da sheteldik BAQ kózderi jarysa jazdy.
Kishi Donald Tramppen birge túsken fotosýretterdi júktegen Jandos Qońtarbai Aqat esimdi Mońǵoliia qazaǵy amerikalyq meimandardyń saiahat kezinde baqtashylardyń úlken tobyna baryp, kóshpeli ómirmen tanysqanyn jazady.
«Men úige kirgen kezde, ákem, ony ystyq shaimen qarsy aldy. Kishi Donald Tramp ákemniń qurmetine riza boldy. Osy saiahatty uiymdastyrýǵa kómekteskenderge kóp rahmet. Biz birge Mońǵoliianyń týrizmin álemdik arenada ilgerilete alamyz», - deidi ol facebook paraqshasynda.
