اقش پرەزيدەنتٸنٸڭ ۇلى كٸشٸ دونالد ترامپ موڭعولييادا قازاق كيٸز ٷيٸنە قونىپ, دەمالىسىن ٶتكٸزٸپ قايتتى. العان ەسەرٸ تۋرالى ول ينستاگرام پاراقشاسىندا جازدى, دەپ حابارلايدى قازاقپارات.
«جٸگٸتتەر, ۇلىم دوننيمەن بٸرگە كيٸز ٷيدە ٶتكەن ٶمٸردٸ دە كٶردٸك. ٶتكەن اپتادا موڭعولييانى زەرتتەۋگە شىققان ەدٸك. ۇزاق شاقىرىمداردى اتپەن, كەيٸن 4WD-مەن باسىپ ٶتتٸك. جۋىق ارادا ەلٸ دە فوتولاردى سالامىن. شىنىندا دا, بۇل جاق – مەن كٶرگەن ەڭ كٶركەم جەرلەردٸڭ بٸرٸ. ادامداردان جىلىلىق پەن مەيٸرٸمدٸلٸك ەسٸپ تۇر. وسىناۋ كەرەمەت تەجٸريبەدەن كەيٸن ەلەۋمەتتٸك جەلٸگە قايتىپ كەلگەن بٸرتٷرلٸ ەكەن», - دەدٸ دونالد ترامپ.
كٸشٸ دونالد ترامپ پاراقشاسىنا موڭعولييا جەرٸن ارالاۋ كەزٸندەگٸ بٸرنەشە فوتونى جٷكتەگەن.
Montsame سايتىنىڭ حابارلاۋىنشا, اقش پرەزيدەنتٸنٸڭ ۇلى بايان-ٶلگەي ايماعىندا بولعان. حۋيتەن-ورگيل (سۋىق شىڭ) تاۋىن باعىندىرۋ ٷشٸن التاي-تاۆان-بوگد تاۋلارىن بەتكە العان. ۇلان-باتىرداعى اقش ەلشٸلٸگٸ مەملەكەتتٸك ماڭىزداعى ساپار بولماعاندىقتان, قوسىمشا اقپاراتتان بەيحابار ەكەنٸن جارييا ەتكەن.
ال موڭعولييا پرەزيدەنتٸ حالتماگيين باتتۋلگا دونالد ترامپتىڭ 13 جاستاعى ۇلى بەررون ترامپقا تۇلپار سىيلاعانى تۋرالى دا شەتەلدٸك باق كٶزدەرٸ جارىسا جازدى.
كٸشٸ دونالد ترامپپەن بٸرگە تٷسكەن فوتوسۋرەتتەردٸ جٷكتەگەن جاندوس قوڭتارباي اقات ەسٸمدٸ موڭعولييا قازاعى امەريكالىق مەيمانداردىڭ ساياحات كەزٸندە باقتاشىلاردىڭ ٷلكەن توبىنا بارىپ, كٶشپەلٸ ٶمٸرمەن تانىسقانىن جازادى.
«مەن ٷيگە كٸرگەن كەزدە, ەكەم, ونى ىستىق شايمەن قارسى الدى. كٸشٸ دونالد ترامپ ەكەمنٸڭ قۇرمەتٸنە ريزا بولدى. وسى ساياحاتتى ۇيىمداستىرۋعا كٶمەكتەسكەندەرگە كٶپ راحمەت. بٸز بٸرگە موڭعولييانىڭ تۋريزمٸن ەلەمدٸك ارەنادا ٸلگەرٸلەتە الامىز», - دەيدٸ ول facebook پاراقشاسىندا.
