AQSh prezidenti Donald Tramp Truth Social áleýmettik jelisinde búgin keshke Iranǵa qarsy "óte kúshti soqqy" jasalatynyn jazdy, dep habarlaidy ult.kz.
"Búgin keshke Amerika Qurama Shtattary Iranǵa óte qýatty soqqy beredi. Jaqyn bolashaqta biz Hark aralyn jáne munai infraqurylymynyń basqa da mańyzdy nysandaryn baqylaýǵa alyp, olardyń munai men gaz naryǵyn tolyq baqylaýǵa alamyz", — dedi Tramp.
Al CNN telearnasynyń derekkózderi Irannyń AQSh áskeri Hark aralyna desant túsirýi múmkin degen qaýipke daiyndalyp jatqanyn habarlady. Málimetke sáikes, Tegeran aral jaǵalaýyn minalap, qosymsha áýe qorǵanysy júieleri men zymyran keshenderin ornalastyrǵan.
Hark araly — Iran munaiynyń negizgi eksporttyq haby sanalady. Sarapshylardyń pikirinshe, aral tóńiregindegi yqtimal áskeri qaqtyǵys álemdik munai naryǵyna aitarlyqtai áser etýi múmkin.
