AQSh-tyń sailanǵan prezidenti Donald Tramp shtabynda prezident ákimshiligine kadrlar jinaý kezinde kelispeýshilikter oryn alyp jatyr degen basylymdarda jariialanǵan habardy teriske shyǵardy. Donald Tramp "Tvitterge" óziniń komandasy bolashaq ministrler kabineti jáne Aq úi múshelerin jasaqtaýda tiisinshe jumys istep jatyr dedi.
Derekkózge sáikes, Tramp sońǵy kúnderi ózi taiaýda ǵana memlekettik hatshy qyzmetine laiyq tulǵa dep ataǵan Niý-Iorktiń burynǵy ákimi Rýdolf Djýlianige kúmán keltire bastaǵan. Endi memlekettik hatshy laýazymyna Ońtústik Karolina gýbernatory Nikki Heilidiń aty-jóni atalady. Ol birinshi partiia arasyndaǵy sailaýda Tramptyń qarsylasy Florida shtatynan sailanǵan senator Marko Rýbiony qoldaǵan.
New York Times gazetiniń jazýynsha, Tramp syrtqy saiasat mekemesiniń mamandarynyń keńesinsiz shamamen otyz eldiń basshylarymen sóilesken.
Sailanǵan prezidenttiń ainalasyndaǵylar Tramp týraly alyp-qashpa sózderdi kezinde sol úshin jumystan ketken adamdar taratýy múmkin deidi.
