Tanymal túrik ánshisi Irfan Gúrdal baýyrlas Qazaqstan halqyn «Ulttyq dombyra kúnimen» quttyqtap, Qorqyt ata hikaiasyna mýzyka jazyp, tartý etti. Bul týraly Nur-Sultan qalasyndaǵy Iýnýs Emre atyndaǵy túrik mádeniet ortalyǵynyń jelidegi paraqshasynda jariialandy, dep habarlaidy "Ult aqparat".
«Túrki halyqtarynda at -erdiń qanaty, ainymas dosy, syrlasy. Qorqyt Ata hikaiasynda Bamsy Báirek 16 jyl zyndanda jatady. Bamsynyń adal dosy aty Baishubar ony sonshama ýaqyt zyndan mańynda kútedi. Bamsy sonda «saǵan at emes, baýyrym der edim, baýyrdan da jaqynsyń» degen eken», - dep jazylǵan mádeni ortalyq habarlamasynda.
Eske salsaq, Qazaqstanda 2018 jyldan beri shildeniń alǵashqy jeksenbisi qazaqtyń tól aspbynyń kúni retine toilanyp keledi. Sonymen qatar Túrkiiada dombyra kúni atap ótildi.
