Foto: depositphotos.com
Ulttyq ekonomika ministri Nurlan Baibazarov ministrler kabinetinde ótken brifingte jyl sońyna deiin dollar baǵamy qandai bolatynyn aitty. Bul týraly KAZ.NUR.KZ habarlaidy.
Brifing barysynda jýrnalister keiingi kezderi 490 teńgege deiin kóterilgen dollar baǵamyna qatysty másele kóterdi. Buqaralyq aqparat quraldarynyń habarlaýynsha, keibir ekonomister dollar 600 teńgege deiin "sekirýi" múmkin dep boljaidy.
Osy oraida jýrnalister ministrden dollor baǵamyna bailanysty qandai ózgeris boljanǵanyn surady.
"Biz áleýmettik-ekonomikalyq damý boljamyn jasaǵan kezde biýdjetti qalyptastyrýdyń ortasha baǵamyn, onyń kiris bóligin kórsettik. Bul boljamdy ózgertpeimiz, eger biz jyldyq dinamikaǵa kelsek, biz ortasha eseppen osy shekte turmyz, sondyqtan bizdiń boljamdarymyz jyl sońyna deiin qaita qaralmaidy", - dedi ministr Nurlan Baibazarov.
Onyń aitýynsha, teńge baǵamy ózgermeli jáne naryqtaǵy suranys pen usynysqa táýeldi.
"Josparlarymyzdy kórip otyrsyzdar, jyl sońyna deiin Ulttyq qordan túsetin transfertterdiń barlyǵy teńge baǵamyna oń áser etedi", - dep sendirdi ministr.
