2021 jyly "Novaia gazetanyń" bas redaktory Dmitrii Mýratovqa berilgen Nobel syilyǵynyń laýreaty medali AQSh aýktsionynda 103 jarym million dollarǵa satyldy. Bul aqparat Amerikanyń Heritage Auctions saýda úiiniń saityna shyqqan. Satyp alýshynyń aty-jóni belgisiz.
Saýdanyń ózi 20 maýsym – Dúniejúzilik bosqyndar kúni ótken.
Aýktsion bastalmas buryn Mýratovqa "marapatyńyzdy satýǵa daiynsyz ba" degen suraq qoiyldy, ol "iá" dep jaýap berdi.
Stavkalar 700 myń dollardan bastaldy, biraq birneshe minýt ishinde medalǵa usynys birneshe million dollardan asty. 16,6 million dollar somasynan keiin belgisiz satyp alýshy telefon arqyly 103,5 million dollarǵa stavka jasady, ony eshkim toqtata almady.
Aýktsionnan túsken aqshanyń bári ýkrain bosqyndary men olardyń balalaryna jumsaý úshin Birikken ulttar uiymynyń Balalar qoryna (IýNISEF) aýdarylady.
BAQ jazýyna qaraǵanda, bul - Nobel syilyǵynyń tarihyndaǵy eń qymbat baǵaǵa satylǵan medal. Ol Nobel medaliniń buǵan deiingi rekordynan 20 ese asyp tústi - 2014 jyly Christie's aýktsionynda DNQ molekýlasynyń qurylymyn ashqan amerikalyq biolog Djeims Ýotsonnyń nagradasy 4,76 million dollarǵa baǵalanǵan edi.
