Qazaqstandyq sportshy Dmitrii Balandin júzýden Ispaniiadaǵy ashyq chempionatynda ekinshi altyn medalǵa qol jetkizdi, dep habarlaidy "Ult aqparat" kazsport-qa silteme jasap.
Otandasymyz 50 metrlik brasspen júzý jarysynda qarsylas shaq keltirmei, bas júldeni jeńip aldy. Finalda Dmitrii atalǵan qashyqtyqty 27.80 sekýndta júzip ótti. Qazaqstandyq taǵy bir júzýshi Aibek Qamzenov 28.56 sekýnd kórsetip, qola medal enshiledi.
Esterińizge salsaq, Balandin keshe 200 metrlik brass qashyqtyǵynda altyn alǵan bolatyn. Oǵan deiin Ádilbek Mýsin 50 metrlik batterfliai jarysynda kúmis medalǵa qol jetkizdi.
Aita keteiik, júzýden Ulttyq quramamyz Malagadaǵy halyqaralyq jarysta maýsymnyń basty dodasy - Aziia oiyndaryna daiyndalýda.
