قازاقستاندىق سپورتشى دميتريي بالاندين جٷزۋدەن يسپانيياداعى اشىق چەمپيوناتىندا ەكٸنشٸ التىن مەدالعا قول جەتكٸزدٸ, دەپ حابارلايدى "ۇلت اقپارات" kazsport-قا سٸلتەمە جاساپ.
وتانداسىمىز 50 مەترلٸك براسسپەن جٷزۋ جارىسىندا قارسىلاس شاق كەلتٸرمەي, باس جٷلدەنٸ جەڭٸپ الدى. فينالدا دميتريي اتالعان قاشىقتىقتى 27.80 سەكۋندتا جٷزٸپ ٶتتٸ. قازاقستاندىق تاعى بٸر جٷزۋشٸ ايبەك قامزەنوۆ 28.56 سەكۋند كٶرسەتٸپ, قولا مەدال ەنشٸلەدٸ.
ەستەرٸڭٸزگە سالساق, بالاندين كەشە 200 مەترلٸك براسس قاشىقتىعىندا التىن العان بولاتىن. وعان دەيٸن ەدٸلبەك مۋسين 50 مەترلٸك باتتەرفلياي جارىسىندا كٷمٸس مەدالعا قول جەتكٸزدٸ.
ايتا كەتەيٸك, جٷزۋدەن ۇلتتىق قۇرامامىز مالاگاداعى حالىقارالىق جارىستا ماۋسىمنىڭ باستى دوداسى - ازييا ويىندارىنا دايىندالۋدا.
