Qazaqstannyń janar-jaǵarmai naryǵynda dizel otynynyń tapshylyǵyna bailanysty Pavlodar munai-himiia zaýyty jóndeý jumysy josparyna ózgerister engizdi, dep habarlaidy QazAqparat «Pavlodar munai-himiia zaýyty» JShS qoǵammen bailanys bólimine silteme jasap.
«PMHZ» JShS-nyń munaidy bastapqy qaita óńdeý bólimi dizel otynyn qosymsha óndirý maqsatynda jóndeý jumystaryna belgilengen ýaqyttan 10 kúnnen keiin shyǵady. Basqa jumystar óndiristen josparǵa sai alynady», - delingen habarlamada.
Zaýyt ákimshiliginiń habarlaýynsha, kásiporyndaǵy ýaqytsha jóndeý jumystary – kerek josparly shara.
Ol zaýyttyń tehnologiialyq quraldarynyń 2021-2022 jyldary jaqsy jumys isteýin qamtamasyz etýge múmkindik beredi.
Zaýyttyń jumysy toqtatylǵan kezde ǵana gaz qaýipti pisirý jumystaryn júrgizip, joǵary temperatýra men qysymda agressivtik ortada jumys isteitin tehnologiialyq jabdyqtardy aýystyrýǵa bolady.
Degenmen janar-jaǵarmai men dizel otynynyń qoryn tiep-jóneltý zaýyt jumysynyń toqtaǵanyna qaramai júrip otyrady.
Erterek, Pavlodar munai-himiia zaýytynyń 1 qazan kúni jospar boiynsha jóndeý jumystaryn júrgizý maqsatynda jumysyn ýaqytsha toqtatatyny habarlanǵan bolatyn.
Zaýyttyń barlyq tehnologiialyq qondyrǵylaryna jóndeý jumystaryn júrgizý josparlanǵan.
Zaýyt qazan aiynyń sońyna deiin jumysyn qaita jandandyrady.
PMHZ jumysy toqtap turǵan kezde basqa qazaqstandyq munai-himiia zaýyttarynyń (Atyraý MHZ jáne Shymkent MHZ) jumysy kúsheimek.
