قازاقستاننىڭ جانار-جاعارماي نارىعىندا ديزەل وتىنىنىڭ تاپشىلىعىنا بايلانىستى پاۆلودار مۇناي-حيمييا زاۋىتى جٶندەۋ جۇمىسى جوسپارىنا ٶزگەرٸستەر ەنگٸزدٸ, دەپ حابارلايدى قازاقپارات «پاۆلودار مۇناي-حيمييا زاۋىتى» جشس قوعاممەن بايلانىس بٶلٸمٸنە سٸلتەمە جاساپ.
«پمحز» جشس-نىڭ مۇنايدى باستاپقى قايتا ٶڭدەۋ بٶلٸمٸ ديزەل وتىنىن قوسىمشا ٶندٸرۋ ماقساتىندا جٶندەۋ جۇمىستارىنا بەلگٸلەنگەن ۋاقىتتان 10 كٷننەن كەيٸن شىعادى. باسقا جۇمىستار ٶندٸرٸستەن جوسپارعا ساي الىنادى», - دەلٸنگەن حابارلامادا.
زاۋىت ەكٸمشٸلٸگٸنٸڭ حابارلاۋىنشا, كەسٸپورىنداعى ۋاقىتشا جٶندەۋ جۇمىستارى – كەرەك جوسپارلى شارا.
ول زاۋىتتىڭ تەحنولوگييالىق قۇرالدارىنىڭ 2021-2022 جىلدارى جاقسى جۇمىس ٸستەۋٸن قامتاماسىز ەتۋگە مٷمكٸندٸك بەرەدٸ.
زاۋىتتىڭ جۇمىسى توقتاتىلعان كەزدە عانا گاز قاۋٸپتٸ پٸسٸرۋ جۇمىستارىن جٷرگٸزٸپ, جوعارى تەمپەراتۋرا مەن قىسىمدا اگرەسسيۆتٸك ورتادا جۇمىس ٸستەيتٸن تەحنولوگييالىق جابدىقتاردى اۋىستىرۋعا بولادى.
دەگەنمەن جانار-جاعارماي مەن ديزەل وتىنىنىڭ قورىن تيەپ-جٶنەلتۋ زاۋىت جۇمىسىنىڭ توقتاعانىنا قاراماي جٷرٸپ وتىرادى.
ەرتەرەك, پاۆلودار مۇناي-حيمييا زاۋىتىنىڭ 1 قازان كٷنٸ جوسپار بويىنشا جٶندەۋ جۇمىستارىن جٷرگٸزۋ ماقساتىندا جۇمىسىن ۋاقىتشا توقتاتاتىنى حابارلانعان بولاتىن.
زاۋىتتىڭ بارلىق تەحنولوگييالىق قوندىرعىلارىنا جٶندەۋ جۇمىستارىن جٷرگٸزۋ جوسپارلانعان.
زاۋىت قازان ايىنىڭ سوڭىنا دەيٸن جۇمىسىن قايتا جانداندىرادى.
پمحز جۇمىسى توقتاپ تۇرعان كەزدە باسقا قازاقستاندىق مۇناي-حيمييا زاۋىتتارىنىڭ (اتىراۋ محز جەنە شىمكەنت محز) جۇمىسى كٷشەيمەك.
