Ulttyq ekonomika vitse-ministri Ermek Alpysov «Diplommen aýylǵa» baǵdarlamasy boiynsha memleketten áleýmettik qoldaý alǵan jas mamannyń mindetti jumys isteý merzimi 5 jyldan 3 jylǵa nelikten qysqartylǵanyn túsindirdi, dep habarlaidy QazAqparat.
«Mamandardyń mindetterin oryndaý merzimi, iaǵni aýylda jumys isteý boiynsha mindetti merzimi 5 jyldan 3 jylǵa qysqartyldy», - dedi Ulttyq ekonomika vitse-ministri Ermek Alpysov Úkimettiń baspasóz ortalyǵynda.
3 jyldyq merzim jas mamannyń aýylda ornyǵýyna jete me? Bul suraqqa vitse-ministr bylaisha jaýap berdi.
«Aýylda turý merzimi nelikten qysqartyldy? Bul ózgeristiń engenine birshama ýaqyt bolyp qaldy. Baǵdarlamaǵa qatysýshylardyń talap-tilegine jáne jergilikti atqarýshy organdardyń suranysyna qaradyq. Biz árbir adamnyń konstitýtsiialyq quqyǵyn shektei almaimyz. Ár jas mamannyń óziniń ómiri, otbasylyq jaǵdaiy bolýy múmkin. Sol sebepti, Úkimettiń qaýlysymen birneshe jyl buryn merzimdi 5 jyldan 3 jylǵa qysqartý týraly sheshim shyqqan edi. Eger aimaqtar jas mamandardyń mindetti jumys isteý merzimin uzartý týraly usynys bildirse – marhabat, qarastyrýǵa daiynbyz», - dedi Ermek Alpysov.
Eske sala ketsek, Ermek Alpysov buǵan deiin «Diplommen aýylǵa» baǵdarlamasy boiynsha 5 172 mamanǵa bir rettik kóterme járdemaqy berilgenin habarlaǵan bolatyn.
