«Diplommen – aýylǵa»: Ertis-Baian óńirine kelgen jas mamandarǵa 9 mln teńgeden astam qarajat beriledi

Sýret: aikyn.kz

Biyl Pavlodar oblysynyń aýyldyq jerlerine eńbek etýge baratyn 167 jas mamanǵa baspana satyp alý úshin arzan nesieler beriledi dep kútilip otyr. Bul týraly Pavlodar oblysynyń ekonomika jáne biýdjettik josparlaý basqarmasy basshysynyń orynbasary Damir Tólebaev habarlady.

Aýdandarǵa taban tiregen jastarǵa 100 ailyq eseptik kórsetkish mólsherinde birjolǵy kóterme járdemaqy tólenedi. Biyl mundai kómekti 442 azamat alady dep josparlanǵan.

«Aýdan ortalyqtaryna jumys isteýge barǵan jas mamandarǵa 2500 ailyq eseptik kórsetkishke deiin (9 mln 230 myń teńge), aýyldarǵa barǵandarǵa 2000 ailyq eseptik kórsetkishke deiin (7 mln 384 myń teńge) biýdjettik nesie beriledi. Eń basty talap — jastar álgi eldi mekende kemi úsh jyl jumys isteýi kerek. Qazirgi ýaqytta aýdan-qala ákimdikteri óz aýmaqtaryna qajet mamandardy tizimin túzip jatyr. Biýdjettik nesieler «Otbasy bank» arqyly resimdelse, al jumysty jergilikti ekonomika bólimderi júrgizedi», - deidi Pavlodar oblysynyń ekonomika jáne biýdjettik josparlaý basqarmasy basshysynyń orynbasary Damir Tólebaev.

Eske sala keteiik, Úkimet basshysy jas mamandardy jumysqa ornalastyrýǵa erekshe nazar aýdarý kerektigin tapsyrdy.