QR ulttyq ekonomika vitse-ministri osyndai kórsetkishti atady.
"Bilikti mamandardy aýylǵa tartý boiynsha Elbasynyń arnaiy on jyl buryn bergen tapsyrmasyna sáikes "Diplommen aýylǵa" jobasy iske asyrylyp jatyr. Osy jobanyń negizgi maqsaty - áleýmettik qoldaý kórsetý arqyly aýyldyq jerlerde áleýmettik sala jáne agroónerkásiptik keshen mamandaryn yntalandyrý men bekitý. Qatysýshylar - densaýlyq saqtaý, bilim berý, áleýmettik qamsyzdandyrý, mádeniet, sport jáne agroónerkásiptik keshen salasynda jumys isteitin diplomy bar mamandar", - dedi Ermek Alpysov Úkimet úiinde ótken baspasóz máslihaty barysynda.
Vitse-ministrdiń aitýynsha, kóterme járdemaqy kólemi 100 ailyq eseptik kórsetkishti quraidy. Biylǵy jyly - 252 myń 500 teńge. On jyldyń ishinde kóterme járdemaqysyn 60 myńnan astam adam alǵan. Sonymen qosa, aýylǵa kelgen mamandarǵa baspana alýǵa jeńildetilgen nesie berilip keledi.
