Búgin Parlament Májilisiniń jalpy otyrysynda Syrtqy ister ministri Muhtar Tileýberdi «diplomatiialyq poshta» uǵymyna qatysty túsinik berdi, dep habarlaidy QazAqparat.
Aita keteiik, jalpy otyrysta «Qazaqstan Respýblikasynyń diplomatiialyq qyzmeti týraly» Qazaqstan Respýblikasynyń Zańyna ózgerister men tolyqtyrýlar engizý týraly» zań jobasy maquldandy.
Zań jobasy qazaqstandyq diplomattardyń áleýmettik qorǵalýyn arttyrýǵa jáne diplomatiialyq qyzmet organdarynyń qyzmetin jetildirýge baǵyttalǵan.
«Diplomatiialyq poshta» uǵymyn engizip, Qazaqstan Respýblikasy Úkimetiniń, Syrtqy ister ministrliginiń jáne basqa da memlekettik organdarynyń diplomatiialyq poshtany jinaqtaý, resimdeý jáne jetkizýdi qamtamasyz etý jónindegi fýnktsiialaryn bekitý usynylady», - dedi Syrtqy ister ministri Muhtar Tileýberdi.
Onyń aitýynsha, shet elderdegi mekemeler jumysynyń ereksheligin eskere otyryp, olardyń sharýashylyq qyzmeti men qarjylyq tártibine bailanysty máselelerdi júiege keltirýge qatysty ózgerister qarastyrylǵan.
