Elge belgili ustaz, dintanýshy Baýyrjan Áliuly baqilyq boldy, dep habarlaidy "Ult aqparat".
Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly Ǵulamalar keńesiniń múshesi, ǵalym Baýyrjan Áliulynyń qaitys bolýyna bailanysty marqumnyń otbasyna, týǵan-týystaryna kóńil aitty.
«Ǵulamalar keńesiniń múshesi, belgili ǵalym, ustaz Baýyrjan Áliulynyń qaitys bolǵany týraly qaraly habardy aýyr kúizelispen qabyldadym. Bul – dini saladaǵy barsha qyzmetkerler úshin úlken qaiǵy. Marqumnyń otbasyna, týǵan-týystaryna, dini saladaǵy barsha qyzmetkerlerge, ózimniń jáne QMDB ujymy atynan qaiǵyra kóńil aitamyn. Onyń áserli ýaǵyzdary men paidaly dáristeri shákirtterdiń jadynda máńgi qalady degen senimdemin. Alla Taǵala Baýyrjan Áliuly baýyrymyzdy aldynan jarylqap, meiirimine bólegei! Jaratýshy Iemiz artynda qalǵan otbasy men týystaryna kórkem sabyr násip etsin! Ámin», – delingen Bas múftidiń kóńil aitý jedelhatynda.
