Kúsh-qýaty 10 milliard atom bombasymen birdei asteroid dinozavrlardyń kózin joiǵan bolýy múmkin, dep habarlaidy CNN.
Ǵalymdardyń aitýynsha, «ekinshi dúniejúzilik soǵys kezinde qoldanysta bolǵan atom bombasynyń 10 million danasyn jinap, jaryp jiberseń, asteroidtyń qýatyna kóziń jetedi». «...Bul asteroidtyń eni – 12 shaqyrym (7,5 mil), ol 66 million jyl buryn Jer ǵalamsharyn soǵyp ótken. Saldarynan Jer betindegi tirshiliktiń 75 paiyzy joiylǵan. Asteroid soqqysynan keiin ormandar órtenip (900 mil), daýyl turǵan». Tehas ýniversiteti ǵalymdarynyń atalmysh zertteýi PNAS jýrnalynda jaryq kórdi.
Ǵalymdardyń zertteýinshe, dinozavrlardyń basym bóligi asteroid soqqysy oryn alǵan kúni mert bolǵan. Al qalǵan az ǵana paiyzy atmosferalyq jaýyn-shashyn saldarynan joiyldy dep boljanyp otyr.
Tehas ýniversiteti ǵalymdarynyń bul zertteýi 2016 jyly Meksikada tabylǵan asteroid qaldyqtarynan keiin bastaldy. Meksikanyń Iýkatan jartylai aralynyń jaǵalaýynda Chicxulub aimaǵynda asteroid qaldyqtary anyqtalǵan bolatyn.
Ǵalymdardyń esepteýinshe, 325 milliard tonna kúkirt asteroid soqqysynan keiin aýaǵa taralǵan.
