كٷش-قۋاتى 10 ميلليارد اتوم بومباسىمەن بٸردەي استەرويد دينوزاۆرلاردىڭ كٶزٸن جويعان بولۋى مٷمكٸن, دەپ حابارلايدى CNN.
عالىمداردىڭ ايتۋىنشا, «ەكٸنشٸ دٷنيەجٷزٸلٸك سوعىس كەزٸندە قولدانىستا بولعان اتوم بومباسىنىڭ 10 ميلليون داناسىن جيناپ, جارىپ جٸبەرسەڭ, استەرويدتىڭ قۋاتىنا كٶزٸڭ جەتەدٸ». «...بۇل استەرويدتىڭ ەنٸ – 12 شاقىرىم (7,5 ميل), ول 66 ميلليون جىل بۇرىن جەر عالامشارىن سوعىپ ٶتكەن. سالدارىنان جەر بەتٸندەگٸ تٸرشٸلٸكتٸڭ 75 پايىزى جويىلعان. استەرويد سوققىسىنان كەيٸن ورماندار ٶرتەنٸپ (900 ميل), داۋىل تۇرعان». تەحاس ۋنيۆەرسيتەتٸ عالىمدارىنىڭ اتالمىش زەرتتەۋٸ PNAS جۋرنالىندا جارىق كٶردٸ.
عالىمداردىڭ زەرتتەۋٸنشە, دينوزاۆرلاردىڭ باسىم بٶلٸگٸ استەرويد سوققىسى ورىن العان كٷنٸ مەرت بولعان. ال قالعان از عانا پايىزى اتموسفەرالىق جاۋىن-شاشىن سالدارىنان جويىلدى دەپ بولجانىپ وتىر.
تەحاس ۋنيۆەرسيتەتٸ عالىمدارىنىڭ بۇل زەرتتەۋٸ 2016 جىلى مەكسيكادا تابىلعان استەرويد قالدىقتارىنان كەيٸن باستالدى. مەكسيكانىڭ يۋكاتان جارتىلاي ارالىنىڭ جاعالاۋىندا Chicxulub ايماعىندا استەرويد قالدىقتارى انىقتالعان بولاتىن.
عالىمداردىڭ ەسەپتەۋٸنشە, 325 ميلليارد توننا كٷكٸرت استەرويد سوققىسىنان كەيٸن اۋاعا تارالعان.
