Erejede logotipte resmi ataýlardyń memlekettik tilde jazylý kerektigi shegelenip jazylǵan, -dep habarlaidy "Ult Aqparat" Informbiýroǵa silteme jasap.
Mádeniet jáne aqparat ministrligi Qazaqstan aimaqtarynda (respýblikalyq mańyzy bar qalalar men oblystar) óńirlik nyshandardy ázirleýge qatysty ereje ázirlep, Ashyq NQA portalynda qoǵamdyq talqyǵa usynyldy.
Erejege sáikes, óńirlik nyshandardyń jobasyn ázirleýde geraldikalyq tártipti, memlekettik múddeni, ulttyq qundylyqtar men dástúrdi, halyqtar birligin, mádeni, tarihi, geografiialyq, saiasi, áleýmettik-ekonomikalyq erekshelikter eskeriledi.
Alaida, memlekettik rámizderdiń elementterin qoldanýǵa, sondai-aq dini, rýlyq, taipalyq, qoǵamda alaýyzdyq týǵyzýy múmkin ózge de belgilerdiń beinelenýine tyiym salynady.
Ruqsat etilmeitin beineler tobyna, sonymen qatar memlekettik saiasatqa, ideologiialyq pozitsiiaǵa, eldiń birligine teris áser etetin beineler de jatqyzylǵan.
Taǵy bir mańyzdy talap – óńirlik nyshandarda resmi ataýlar memlekettik tilde jazylýy kerek.
Logotip jobasy buryn qoldanysta bolmaǵan, eldi mekenniń keleshek baǵyt-baǵdaryn aiqyndaityn tyń týyndy bolýy tiis. Sáikesinshe, avtorlyq quqyqty buzýǵa nemese plagiatqa jol berilmeidi.
Sondai-aq, erejeler jobasynda arheologiialyq, arhitektýralyq, balbaldyq, tańbaly tastardaǵy belgilerdi qoldanýǵa bolatyny jazylyp, ulttyq etnografiialyq elementterdi (oiý-órnekterdi) paidalanýǵa shekteý qoiylmaityny baiandalǵan.
