QR Aqparat jáne qoǵamdyq damý ministrliginiń qoldaýymen din máseleleri boiynsha 114 qaýyrt jelisi jumys istep tur, dep habarlaidy "Ult aqparat".
Jobanyń jumysyn 2020 jyldyń tamyz aiynda ministrliktiń qoldaýymen «Azamattyq bastamalardy qoldaý ortalyǵy» KEAQ memlekettik granty aiasynda «Social Development Center» qoǵamdyq qory bastady.
114 qaýyrt jelisi - dinge qatysty máseleler boiynsha kómekke muqtaj barlyq adamdar úshin tegin senim telefony jáne chat-sait. Quramynda tanymal psiholog, QR psihologtar men psihoterapevter qaýymdastyǵynyń múshesi – Lola Shakimova, «Jýsan» arnaiy operatsiiasyna qatysýshy, teolog – Aslanbek Tynyshtyqov, zańger, PhD doktor – Serikhan Ádilǵazy sekildi belgili mamandar men dintaný jáne islamtaný salasyndaǵy sarapshylar, ońaltý ortalyqtarynyń teologtary bar tájiribeli mamandar toby aqyl-keńes beredi.
Búgingi tańda 114 qaýyrt jelisi»h óz jumysynyń tiimdiligin dáleldep otyr. Kún saiyn operatorlar 20-dan 40-qa deiin ótinishter qabyldaidy. Mamandar máseleniń sipatyna bailanysty ár jeke jaǵdaidy bólek taldaidy.
Olar kóbine dindar adamdar men qarapaiym adamdardyń qarym-qatynasy, bala tárbiesindegi dinniń róli, islamdaǵy neke jáne dástúr siiaqty taqyryptarǵa suraqtar qoiady.
Taǵy bir jii qozǵalatyn másele - pandemiia kezinde dini rásimderdi oryndaý. Kei jaǵdailarda destrýktivti aǵymdardyń, túrli sektalardyń habarlasýshynyń jaqyn týystaryna tikelei yqpal etip jatqany jaily sóz bolady. Mundai adamdarǵa kásibi psihologiialyq qoldaý kórsetiledi.
Qandai jaǵdaida 114 qaýyrt jelisine júginý qajet?
Eger sizge din máseleleri boiynsha aqparattyq jáne konsýltatsiialyq kómek qajet bolsa.
Eger siz destrýktivti dini aǵymdardyń yqpalyna tússeńiz.
Eger Sizge dini máselelerge bailanysty psihologiialyq jáne zańgerlik kómek qajet bolsa.
«114 qaýyrt jeli» mamandarymen qalai bailanysýǵa bolady?
Habarlasý úshin ózińizge yńǵaily ádisti tańdai alasyz:
114 nemese 8(800)-0805-114 qysqa nómirine qońyraý shalyńyz.
Nemese jobanyń 114.kz/questions saitynan onlain-keńes alyńyz.
Jedel jeli Nur-Sultan ýaqyty boiynsha saǵat 9:00-18:00 aralyǵynda aptasyna 7 kún jumys isteidi. Barlyq konsýltatsiialar tegin jáne qupiia túrde ótedi.
