Qazaqstandyq grossmeister Dinara Sádýaqasova internettiń nashar ustaýynan Polar Challenge halyqaralyq týrnirine qatysýyn toqtatty.
Bul týraly shahmatshynyń ózi Facebook-tegi paraqshasy arqyly málimdedi.
«Qymbatty dostar, internettiń turaqsyzdyǵynan Polgar Challenge týrnirine qatysýdy toqtatýǵa májbúr ekenimdi ókinishpen habarlaimyn. Men týrnirge shahmat jaǵynan da, tehnikalyq turǵydan da daiyn edim. Biraq men oinaǵan barlyq jeti partiiada internetpen qaita-qaita problemalar boldy. Halyqaralyq grossmeister Lei Tingjie-men oiyn kezinde 7-shi týrdyń sońǵy partiiasynda men ýaqyt boiynsha da, tas sany boiynsha basymdyqqa ie bolyp turǵanmyn. Biraq turaqsyz bailanystyń saldarynan ýaqytty ótkizip aldym. Ár partiiada maǵan oiyn barysynan buryn internet týraly kóbirek oilaýǵa týra keldi. Men úsh provaiderdiń bailanysyn qoldandym, eshteńe kómektespedi. Jankúierler men uiymdastyrýshylardan taǵy da keshirim suraimyn», - dedi Dinara Sádýaqasova.
