Batys baspasózin aitamyn-aý, kózi tirisinde aiamaǵan Islam Kárimovty ólisinde qaidan áspettei qoisyn:"Ándijan oqiǵasynda 198 adamdy qyryp salǵan búgingi zamannyń Gitleri", "tiran", "despot" dep, dástúrli ádetterimen toqpaqtap uryp jatyr.
Ándijan oqiǵasyn uiymdastyrýshylardyń artynda kim turdy?! Qapelimde tóńkerisshiler qaidan uiymdasa qoidy? Kózdegen maqsattary ne boldy? Kóterilisti basyp tastaǵannan kim utty- kim utyldy? Dini ekstremisterdi janshyp tastaǵannan Ózbekstan ne utty? Onyń tutastai Ortalyq Aziia aimaǵyna tigizer saiasi yqpaly qandai boldy? Ony tereńnen qaita salmaqtap-saraptap jatqan olar joq. Óz múddelerine qaishy bolsa, baiybyna baryp baibalam salýdy unata bermeidi ózderi... Esterińizde bolsa, Grýziia, Ýkraina, Moldova, Ázerbaijan men Ózbekstannyń qatysýymen GÝÝAM odaǵy quryldy. Sol kezderi endi pisip kele jatqan joba - Eýraziialyq Odaqqa balama retinde qurylǵan uiymǵa batasyn bergen Batys desedi. Antireseilik oiynnan qaýiptenip, GÝÝAM odaǵynan Ózbekstan shyqqan boida, kóp uzamai Ándijanda órt shyqty. Bul - kezdeisoqtyq pa, álde...
Odan keiin Ózbekstan Prezidenti áskeri bazasynan NATO-ńdy tyrqyratyp qýyp shyqty...AQSh-tyń ádeti emes pe, aldynda qurdai jorǵalamaǵan el basshylaryńnyń bárine - diktator, tiran dep at qoiyp, aidar taǵatyn... Ýgo Chavestiń aqtyq demi úzilgende de, reseilik propagandany jii synaýshy batystyq BAQ, biriniń aýzyna biri túkirgendei:"zulym diktator ómirden ótti" dep súiinshi surap, jarysa jazǵany... Óz xalqy úshin aiaýly bolǵan kei tulǵalardy, múddeles bolmaǵany úshin ǵana "tiran" dep jaba toqyp, jahanǵa jar salýǵa qanshalyqty moraldy quqyǵy bar? Oilanyp kórdik pe?
Hosh delik...
Al, Hirosima men Nagasakide myń-million adamnyń ómirin jalmaǵan, iadrolyq qarý tastaýǵa úkim aitqan AQSh Prezidenti Garri Trýmendi olar ólse tiran dep atamaidy. "Trýmen ondai sheshim shyǵarmaǵanda, soǵys basylmas edi, adam shyǵyny odan kóp bolar edi" dep toqmeilsidi. 40 jyldan beri talas basylmai keledi... Belgrad, Aýǵanstan, Irak, Liviiada jazyqsyz qaza tapqan beibit turǵyndardyń ólimine - ákeli-balaly Býsh, Klinton, Obama da kináli emes, tiran dei kórmeńiz, olar - adamzatty dini terrorizmnen qorǵap qalǵan demokrat tulǵalar! Sonda óz xalqyn dini ekstremisterden qorǵaǵan Kárimov - diktator eken ǵoi...
Liviiań, Aýǵanstanyń, Iragyń gúldenip ketse meili deisiń ǵoi, onyń ústine buryńǵylardan da soraqy, kekshil, qaýipti IGIL-iń úni zoraiyp, ózi soraiyp shyqty emes pe...
Dina Elgezektiń feisbýktegi jazbasynan
