باتىس باسپاسٶزٸن ايتامىن-اۋ, كٶزٸ تٸرٸسٸندە اياماعان يسلام كەرٸموۆتى ٶلٸسٸندە قايدان ەسپەتتەي قويسىن:"ەندٸجان وقيعاسىندا 198 ادامدى قىرىپ سالعان بٷگٸنگٸ زاماننىڭ گيتلەرٸ", "تيران", "دەسپوت" دەپ, دەستٷرلٸ ەدەتتەرٸمەن توقپاقتاپ ۇرىپ جاتىر.
ەندٸجان وقيعاسىن ۇيىمداستىرۋشىلاردىڭ ارتىندا كٸم تۇردى?! قاپەلٸمدە تٶڭكەرٸسشٸلەر قايدان ۇيىمداسا قويدى? كٶزدەگەن ماقساتتارى نە بولدى? كٶتەرٸلٸستٸ باسىپ تاستاعاننان كٸم ۇتتى- كٸم ۇتىلدى? دٸني ەكسترەميستەردٸ جانشىپ تاستاعاننان ٶزبەكستان نە ۇتتى? ونىڭ تۇتاستاي ورتالىق ازييا ايماعىنا تيگٸزەر ساياسي ىقپالى قانداي بولدى? ونى تەرەڭنەن قايتا سالماقتاپ-ساراپتاپ جاتقان ولار جوق. ٶز مٷددەلەرٸنە قايشى بولسا, بايىبىنا بارىپ بايبالام سالۋدى ۇناتا بەرمەيدٸ ٶزدەرٸ... ەستەرٸڭٸزدە بولسا, گرۋزييا, ۋكراينا, مولدوۆا, ەزەربايجان مەن ٶزبەكستاننىڭ قاتىسۋىمەن گۋۋام وداعى قۇرىلدى. سول كەزدەرٸ ەندٸ پٸسٸپ كەلە جاتقان جوبا - ەۋرازييالىق وداققا بالاما رەتٸندە قۇرىلعان ۇيىمعا باتاسىن بەرگەن باتىس دەسەدٸ. انتيرەسەيلٸك ويىننان قاۋٸپتەنٸپ, گۋۋام وداعىنان ٶزبەكستان شىققان بويدا, كٶپ ۇزاماي ەندٸجاندا ٶرت شىقتى. بۇل - كەزدەيسوقتىق پا, ەلدە...
ودان كەيٸن ٶزبەكستان پرەزيدەنتٸ ەسكەري بازاسىنان ناتو-ڭدى تىرقىراتىپ قۋىپ شىقتى...اقش-تىڭ ەدەتٸ ەمەس پە, الدىندا قۇرداي جورعالاماعان ەل باسشىلارىڭنىڭ بەرٸنە - ديكتاتور, تيران دەپ ات قويىپ, ايدار تاعاتىن... ۋگو چاۆەستٸڭ اقتىق دەمٸ ٷزٸلگەندە دە, رەسەيلٸك پروپاگاندانى جيٸ سىناۋشى باتىستىق باق, بٸرٸنٸڭ اۋزىنا بٸرٸ تٷكٸرگەندەي:"زۇلىم ديكتاتور ٶمٸردەن ٶتتٸ" دەپ سٷيٸنشٸ سۇراپ, جارىسا جازعانى... ٶز xالقى ٷشٸن اياۋلى بولعان كەي تۇلعالاردى, مٷددەلەس بولماعانى ٷشٸن عانا "تيران" دەپ جابا توقىپ, جاھانعا جار سالۋعا قانشالىقتى مورالدى قۇقىعى بار? ويلانىپ كٶردٸك پە?
حوش دەلٸك...
ال, حيروسيما مەن ناگاساكيدە مىڭ-ميلليون ادامنىڭ ٶمٸرٸن جالماعان, يادرولىق قارۋ تاستاۋعا ٷكٸم ايتقان اقش پرەزيدەنتٸ گارري ترۋمەندٸ ولار ٶلسە تيران دەپ اتامايدى. "ترۋمەن ونداي شەشٸم شىعارماعاندا, سوعىس باسىلماس ەدٸ, ادام شىعىنى ودان كٶپ بولار ەدٸ" دەپ توقمەيلسيدٸ. 40 جىلدان بەرٸ تالاس باسىلماي كەلەدٸ... بەلگراد, اۋعانستان, يراك, ليۆييادا جازىقسىز قازا تاپقان بەيبٸت تۇرعىنداردىڭ ٶلٸمٸنە - ەكەلٸ-بالالى بۋش, كلينتون, وباما دا كٸنەلٸ ەمەس, تيران دەي كٶرمەڭٸز, ولار - ادامزاتتى دٸني تەرروريزمنەن قورعاپ قالعان دەموكرات تۇلعالار! سوندا ٶز xالقىن دٸني ەكسترەميستەردەن قورعاعان كەرٸموۆ - ديكتاتور ەكەن عوي...
ليۆيياڭ, اۋعانستانىڭ, يراگىڭ گٷلدەنٸپ كەتسە مەيلٸ دەيسٸڭ عوي, ونىڭ ٷستٸنە بۇرىڭعىلاردان دا سوراقى, كەكشٸل, قاۋٸپتٸ يگيل-ٸڭ ٷنٸ زورايىپ, ٶزٸ سورايىپ شىقتى ەمەس پە...
دينا ەلگەزەكتٸڭ فەيسبۋكتەگٸ جازباسىنان
