Islam dini qashanda adamnyń abyroiy men ar — ojdanyn bárinen de joǵary qoiyp, otbasy men qoǵam birligin, yntymaǵyn saqtaýǵa kúsh salady, áleýmettik ádilettilikti qoldap, on segiz myń ǵalamdaǵy barlyq tirshilik iesiniń birde — bireýine qyldai da qiianatyń jasalmaýyn qalaidy. Óitkeni, Islam dininiń basty muratynyń biri – adamdar arasynda beibit qarym – qatynastar ornatyp, tynyshtyqta tatý – tátti ómir súrý. Ómirde páktik pen izgilikke negizdelgen, imndylyq pen rýhani tazalyqty tý etken Islam dininiń Alla Taǵala nurymen sanamyzǵa sińirýi boiynsha, adam balasy meiirimdi isimen, kórkem minez — qylyǵymen, adal qarym-qatynasymen ǵana Jaratýshy Iesine jaqyndai alady. Sol sebepti aq nietti balasy Islamdy beibitshilik, ziialylyq, imandylyq, shapaǵattylyq, qaiyrymdylyq dini dep sanaidy, onyń búkil álem halqyna birin – biri tanysyn, bir – birimen yntymaqta bolsyn, dostyqqa ómir súrsin dep Alla Taǵala tarapynan túsirilgenine shek keltirmeidi.
Islam – aqyldyń, bilimniń, meiirimdilik pen janashyrlyqtyń dini. Sondyqtan da teris aǵymnyń qanshalyqty qaýipti ekenin, olardyń artynda da úlken kúshterdiń teris piǵyly turǵanyn eskertý – negizgi maqsat.
Osy oraida búgin Ońtústik Qazaqstan oblysy Arys qalasy ishki saiasat bóliminiń uiymdastyrýymen dástúrli emes dini aǵymdardyń aldyn alý, jastardyń dini saýattylyǵyn arttyrý maqsatynda oblystyq din isteri basqarmasynyń janyndaǵy «Din máselelerin zertteý ortalyǵy» MKM-niń dintanýshy, teolog mamany B.Omarbaev shahardaǵy№1 E.Moldabaev, Á.Jangeldin, B.Momyshuly jáne S.Qojanov atyndaǵy jalpy orta mektepteriniń joǵarǵy synyp oqýshylary arasynda «Dini ekstremizm men terrorizmniń aldyn alý», «Din birligi – memleket tutastyǵy» taqyryptarynda dáris oqydy, dep habarlaidy Ult.kz tilshisi.
Kezdesýdiń maqsaty jastardyń islam dinindegi qundylyqtary týraly málimetter alýǵa, dástúrli jáne jat piǵyldy dini aǵymdardyń ne ekendigin uqtyrý, dinniń dińgegi – dástúrimen beriktigin nasihattaý bolyp tabylady.
Jiyn sońynda oqýshylarǵa túrli aǵymdar men sektalardan saqtandyrýǵa arnalǵan ádebi kitapshalar men beinetaspalar taratylyp, jańa talap jas býyn kókeilerinde júrgen suraqtaryn qoiyp, tushymdy jaýaptar aldy.
