Qazaqstannyń álemge áigili ánshisi Dimash Qudaibergenniń oryndaýyndaǵy «Screaming» ánine túsirilgen beinebaian reseilik «MÝZ-TV» arnasynda kórermenderdiń eń kóp daýysyna ie bolyp, «mýzraskrýtka» baǵdarlamasynda kósh bastady. Bul týraly ánshiniń ákesi Qanat Aitbaev aitty, dep habarlaidy "Ult aqparat".
«Dimash Qudaibergenniń oryndaýyndaǵy «Screaming» ánine túsirilgen beinebaian Reseidiń «MÝZ-TV» telearnasynyń «mýzraskrýtka» baǵdarlamasy arqyly kórermender arasynda jalpy daýys berý júiesi boiynsha synǵa túsken bolatyn. Bir ai kóleminde internet arqyly ótkizilgen jarys nátijesi boiynsha Dimashtyń oryndaýyndaǵy atalmysh án jalpy esepte 97 paiyz daýys jinap jeńimpaz atandy», - deidi ánshiniń ákesi óz paraqshasynda.
Saiystyń shartyna sáikes bul klip endi «Mýztv» telearnasynda tegin rotatsiiaǵa ie bolyp otyr.
«Daýys berip, úlken qoldaý bildirgen barlyq jankúier, tyńdarman qaýymǵa úlken alǵys aitamyz!», - dep jazdy Qanat Aitbaev.
Eske sala ketsek, Dimash Qudaibergenniń «Screaming» ániniń beinebaiany osy jyldyń mamyr aiynda shyqqan bolatyn. Ənniń kompozitory Muhgal osy kúnge deiin Rihanna, Usher, Cherul Fermandes - Versini, Shakira, Ne-Yo, Avisi syndy ənshilerge ənder jazǵan.
