dimashnews.com saity «La Era Dimash» radiosynyń bastamasymen Argentinanyń tanymal folk klýbynda Dimashtyń «S.O.S» ánin oryndap turǵan videosy kórsetilgenin jazdy, dep habarlaidy QazAqparat.
Argentinadaǵy folk klýbtar án men bige qumar halyqtyń súiikti oryndarynyń biri deýge bolady. Onda kóbinese qalyń kópshiliktiń júreginen oryn alǵan tanymal halyq ánderi oryndalady. Osynaý mýzykalyq aýrany kózben kórip, jan-dúniesimen seziný úshin týrister de folk klýbtarǵa jii barady.
3 qazanda Salta provintsiiasynyń folk-klýbyndaǵy úlken ekranda Dimashtyń aty ańyzǵa ainalǵan «S.O.S» ánin oryndaǵan sáti kórsetildi.
«Oǵan qudaidyń ózi batasyn bergen. Ony kóbińiz bilesizder. Bilmeseńizder, ol jer sharynyń kelesi bir buryshynan shyqqan. Onyń aty – Dimash, onyń daýysy ktańǵajaiyp», - dep tanystyrdy sharanyń júrgizýshisi qazaqstandyq ártisti.
dimashnews.com-nyń jazýynsha, «S.O.S» beine kórsetilimi «La Era Dimash» radio stantssasy uiymdastyrǵan arnaiy týr aiasynda uiymdastyrylǵan.
«Týrdyń maqsaty – qazaqstandyq ártisti Argentinanyń túkpir-túkpirine tanystyrý, onyń shyǵarmashylyǵyn odan da kóp adamdar ashý», - dep jazady dimashnews.com.
