dimashnews.com سايتى «La Era Dimash» راديوسىنىڭ باستاماسىمەن ارگەنتينانىڭ تانىمال فولك كلۋبىندا ديماشتىڭ «S.O.S» ەنٸن ورىنداپ تۇرعان ۆيدەوسى كٶرسەتٸلگەنٸن جازدى, دەپ حابارلايدى قازاقپارات.
ارگەنتيناداعى فولك كلۋبتار ەن مەن بيگە قۇمار حالىقتىڭ سٷيٸكتٸ ورىندارىنىڭ بٸرٸ دەۋگە بولادى. وندا كٶبٸنەسە قالىڭ كٶپشٸلٸكتٸڭ جٷرەگٸنەن ورىن العان تانىمال حالىق ەندەرٸ ورىندالادى. وسىناۋ مۋزىكالىق اۋرانى كٶزبەن كٶرٸپ, جان-دٷنيەسٸمەن سەزٸنۋ ٷشٸن تۋريستەر دە فولك كلۋبتارعا جيٸ بارادى.
3 قازاندا سالتا پروۆينتسيياسىنىڭ فولك-كلۋبىنداعى ٷلكەن ەكراندا ديماشتىڭ اتى اڭىزعا اينالعان «S.O.S» ەنٸن ورىنداعان سەتٸ كٶرسەتٸلدٸ.
«وعان قۇدايدىڭ ٶزٸ باتاسىن بەرگەن. ونى كٶبٸڭٸز بٸلەسٸزدەر. بٸلمەسەڭٸزدەر, ول جەر شارىنىڭ كەلەسٸ بٸر بۇرىشىنان شىققان. ونىڭ اتى – ديماش, ونىڭ داۋىسى كتاڭعاجايىپ», - دەپ تانىستىردى شارانىڭ جٷرگٸزۋشٸسٸ قازاقستاندىق ەرتٸستٸ.
dimashnews.com-نىڭ جازۋىنشا, «S.O.S» بەينە كٶرسەتٸلٸمٸ «La Era Dimash» راديو ستانتسساسى ۇيىمداستىرعان ارنايى تۋر اياسىندا ۇيىمداستىرىلعان.
«تۋردىڭ ماقساتى – قازاقستاندىق ەرتٸستٸ ارگەنتينانىڭ تٷكپٸر-تٷكپٸرٸنە تانىستىرۋ, ونىڭ شىعارماشىلىعىن ودان دا كٶپ ادامدار اشۋ», - دەپ جازادى dimashnews.com.
