Aqtóbede ánshi Dimash Qudaibergenniń anasy Svetlana Aitbaeva Abaidyń 175 jyldyǵyna arnalǵan tanymdyq keshte án shyrqap, jinalǵandarǵa erekshe kóńil-kúi syilady, dep habrlaidy QazAqparat.
Sybailas jemqorlyqqa qarsy is-qimyl agenttiginiń oblystyq departamenti jáne «Aqtóbe – adaldyq alańy» jobalyq keńsesi Abaidyń 175 jyldyǵyn merekeleý sheńberinde kolledj stýdentterimen kezdesti. Sharaǵa departament basshysy Mirlan Muhambetov, departament basshysynyń birinshi orynbasary Ǵalymbek Dosanov, departament janynan qurylǵan aqparattyq- aǵartý shtabynyń múshesi, tanymal ánshi Svetlana Aitbaeva qatysty.
«Tanymdyq keshtiń basty maqsaty – uly aqynnyń ónegeli ómirimen tanystyryp, óleńderi, ánderi arqyly adamgershilik qasietterge tárbieleý. Jastardy Abai shyǵarmalaryn taldai otyryp imandylyqqa, asyl qasietterge baýlý jáne týǵan jerdiń tarihy men tiliniń qadir-qasietin uǵyndyrý, óskeleń urpaq pen aǵa býyn arasynda saýatty urpaqtar sabaqtastyǵyn qalyptastyrý.
Shara barysynda departament basshysy Mirlan Muhambetov Abaidyń qara sózderin oqyp berdi. Al Aqtóbe kólik, kommýnikatsiia jáne jańa tehnologiia kolledjiniń jas aqyndary Maqsat Idirisov jáne Gúlim Tilepbergenova Abaiǵa arnap jazǵan ólenderin tartý etti. Sonymen qatar keshtiń qurmetti qonaǵy, birtýar ánshi Dimash Qudaibergenniń anasy Svetlana Aitbaeva ǵulama aqynnyń «Jelsiz túnde jaryq-ai» ánin qatysýshylarmen birge shyrqady», - dep habarlady «Aqtóbe – adaldyq alańy» jobalyq keńsesiniń baspasóz qyzmetinen.
