Aqtóbelikter Dimash Qudaibergendi áýejaidan kútip aldy, dep habarlaidy QazAqparat tilshisi.
Dimash Qudaibergendi kútýge oblystyq filarmoniia ujymy, mýzykalyq kolledj stýdentteri túgel jinaldy. Oblys ákimi Berdibek Saparbaev pen qala ákimi Iliias Ispanov ta kútip aldy.
Jinalǵandar áýejaida halyq ánderi men ánurandy oryndap, erekshe kóńil-kúi syilady. "Men A.Jubanov atyndaǵy mýzykalyq kolledjde oqimyn. Dimashty bala kezden tanimyn, ata-anasymen de qarym-qatynasym jaqsy. Jerlesimizdiń jetistigine qýanyp, qoldaýǵa keldik. Sáttilik tileimiz", - dedi jankúieri Ibrahim Amin.
Dimash Qudaibergenniń anasy Sveta Aitbaevanyń aitýynsha, Qytaidan kelgen túsirý toby ánshi bilim alǵan orta mektepke, Ahmet Jubanov atyndaǵy mýzykalyq kolledjge barady.
Aita keteiik, Dimash Qudaibergen Qytaida ótip jatqan «Singer-2017» án baiqaýyna qatysyp jatyr. Ol 6-kezeńde italian tilinde «Adagio» ánin oryndap, birinshi oryndy enshiledi.
