Dimash Qudaibergen «Singer 2017» án baiqaýynyń jartylai finalynda italiansha án shyrqaityn boldy, dep habarlaidy QazAqparat.
Sina Weibo áleýmettik jelisinde Dimash jattyǵý kezinde italiandyq ánshi Adriano Chelentanonyń áigili áni «Confessa»-ny oryndaǵany týraly aqparat tarady.
Adriano Chelentano «Confessa» ánin alǵash ret 2002 jyly oryndaǵan. Ánshiniń 2012 jyly Youtobe-tegi jeke arnasyna júktelgen ánniń beine baianynyń kórilimi 5 millionǵa jaqyndaǵan.
Eske sala keteiik, Dimash baiqaýdyń on kezeńnen turatyn irikteý básekelerin aiaqtap, jalpy esepte birinshi bolyp finalǵa ótti. Baiqaýdyń jartylai finaly 8 sáýirde Hunan TV telarnasynan kórsetiletin bolady.
