Foto: Instagram.com
Qazaqstandyq álemdik juldyz Dimash Qudaibergen 2025 jyldyń 5 qazanynda Niý-Iorktegi ataqty Madison Square Garden arenasynda jeke kontsert beredi. Bul — TMD elderiniń oryndaýshylary arasynda osy áigili sahnada ótetin alǵashqy jeke kontsert bolmaq, dep habarlaidy Ult.kz.
«Stranger» atty álemdik týr aiasynda ótetin bul keshte Dimash óziniń neoklassikalyq stilimen tanylǵan erekshe týyndylaryn usynady. Ánshi kompozitor, mýlti-aspapshy jáne prodiýser retinde tyńdarmandaryna mýzykalyq sapar syilamaq. Bul týraly ánshi óziniń Instagram paraqshasynda habarlady.
Madison Square Garden sahnasynda ótetin bul aitýly sharaǵa álemniń túkpir-túkpirinen jankúierler jinalady dep kútilýde. Dimashtyń shyǵarmashylyǵyna tán tereń emotsiia men áserli vokal Niý-Iork turǵyndary men qonaqtaryna umytylmas áser qaldyratyny sózsiz.
