Ánshi Dimash Qudaibergen Qytaidaǵy «Sing! China» baiqaýyna qatysyp jatqan qandasymyz Madina Dýmanqyzyna sáttilik tiledi, dep habarlaidy "Ult aqparat".
«Búgin Madina Dýman atty qaryndasymyzdyń áýelegen ánin tyńdadym. «Qytai daýysy» jobasynyń tálimgeri Li Tszian myrzaǵa meniń ánimdi tańdaǵany úshin alǵys aitamyn. «I am singer» baiqaýynda men syrqattanyn qalǵan kezde Li maestro da qalpyma kelýim úshin sirek dári ákelip, kómektesip edi», - dep jazdy ánshi Instagram paraqshasynda .
Sonymen qatar Dimash Madinaǵa da «Umytylmas kún» ánin sheber oryndaǵany úshin rahmet aitty.
«Qaida bolsyn osy ándi shyrqaimyn deseńizder qarsylyǵym joq. Osyndai keremet ánshiniń shyǵarmamdy oryndap jatqany men úshin zor baqyt. Sáttilik Madina. Ataq-abyroiy asqaq ánshige ainalaryńa senimdimin. Armandarǵa qadam basa ber», - dep jazdy ánshi.
Eske sala ketsek buǵan deiin Qytaidaǵy tanymaly óner básekesiniń biri sanalatyn «Qytai daýysy» (Sing! China) mýzykalyq jobasyna qatysyp jatqan qandasymyz Mádina Dýmanqyzy Dimashtyń «Umytylmas kún» ánin oryndaǵan edi.
