ديماش «قىتاي داۋىسىنا» قاتىسىپ جاتقان قانداسىمىزعا سەتتٸلٸك تٸلەدٸ

ەنشٸ ديماش قۇدايبەرگەن قىتايداعى «Sing! China» بايقاۋىنا قاتىسىپ جاتقان قانداسىمىز مادينا دۋمانقىزىنا سەتتٸلٸك تٸلەدٸ, دەپ حابارلايدى "ۇلت اقپارات".

«بٷگٸن مادينا دۋمان اتتى قارىنداسىمىزدىڭ ەۋەلەگەن ەنٸن تىڭدادىم. «قىتاي داۋىسى» جوباسىنىڭ تەلٸمگەرٸ لي تسزيان مىرزاعا مەنٸڭ ەنٸمدٸ تاڭداعانى ٷشٸن العىس ايتامىن. «I am singer» بايقاۋىندا مەن سىرقاتتانىن قالعان كەزدە لي ماەسترو دا قالپىما كەلۋٸم ٷشٸن سيرەك دەرٸ ەكەلٸپ, كٶمەكتەسٸپ ەدٸ», - دەپ جازدى ەنشٸ Instagram پاراقشاسىندا . 

سونىمەن قاتار ديماش ماديناعا دا «ۇمىتىلماس كٷن» ەنٸن شەبەر ورىنداعانى ٷشٸن راحمەت ايتتى. 

«قايدا بولسىن وسى ەندٸ شىرقايمىن دەسەڭٸزدەر قارسىلىعىم جوق. وسىنداي كەرەمەت ەنشٸنٸڭ شىعارمامدى ورىنداپ جاتقانى مەن ٷشٸن زور باقىت. سەتتٸلٸك مادينا. اتاق-ابىرويى اسقاق ەنشٸگە اينالارىڭا سەنٸمدٸمٸن. ارماندارعا قادام باسا بەر», - دەپ جازدى ەنشٸ.

ەسكە سالا كەتسەك بۇعان دەيٸن قىتايداعى تانىمالى ٶنەر بەسەكەسٸنٸڭ بٸرٸ سانالاتىن «قىتاي داۋىسى» (Sing! China) مۋزىكالىق جوباسىنا قاتىسىپ جاتقان قانداسىمىز مەدينا دۋمانقىزى ديماشتىڭ «ۇمىتىلماس كٷن» ەنٸن ورىنداعان ەدٸ.