Dimash Qudaibergenov Ýniversiadanyń ashylý saltanatynda án shyrqaidy, - dep habarlaidy kaz.tengrinews.kz tilshisi PR-menedjeri Alpamys Sharimovqa silteme jasap.
"Biz Ýniversiadaǵa daiynbyz. Saǵynyshpen Almatyǵa keldik. Sportshylarymyzǵa sáttilik tileimiz! Kók bairaǵymyz kókte jelbiresin! Dimash @kudaibergenov.dimash búgin ashylý saltanatynda tikelei efirde óner kórsetetin bolady! Jasa qazaq! Alǵa, Qazaqstan!", - dep jazdy Sharimov Instagram jelisinde. Osylai jazǵan menedjeri ánshi ekeýiniń Ýniversiadaǵa qatysatynyn rastaityn beidjderiniń sýretin jariialady.
© instagram.com/asharimov
Keiinirek Dimash Qudaibergenovtyń ózi de bul týraly Instagram jelisindegi paraqshasynda habarlady. "Ýniversiadaǵa qatysatyn barlyq qatysýshylarǵa sáttilik, Qazaqstanǵa jeńis tileimin! Men sizdermen birgemin!", - dep jazdy ánshi.
Aita keteiik, Dimash Qudaibergenov keshe, 28 qańtarda Qytaida ótip jatqan I Am a Singer mýzykalyq konkýrsynyń ekinshi kezeńinde de jeńimpaz atanǵan bolatyn. Ánshi reseilik ataqty Vitastyń "Opera 2" atty týyndysyn oryndaǵan edi. Videony myna jerden kórýge bolady.
Eske sala keteiik, Dimash Qudaibergenov teleshoýdyń birinshi kezeńinde SOS d'un terrien en détresse ánin frantsýz tilinde oryndap, jeńimpaz atanǵan bolatyn. Ánshi qatysyp jatqan konkýrsta 14 kezeń bar. Konkýrs Qytaidyń Chansha qalasynda ótip jatyr.
Aita keteiik, Ýniversiadanyń resmi túrde ashylý saltanaty búgin, 29 qańtarda saǵat 19:00-de bastalady. Ýniversiadanyń búgingi ańdatpasyn myna jerden oqi alasyzdar.
