Qazaqstandyq ánshi Dimash Qudaibergenniń fotosy Niý-Iork qalasynyń ortalyq Manhetten aýdanynda ornalasqan Taim Skver alańyndaǵy úlken LED ekranynda kórindi, dep habarlaidy "Ult aqparat". Bul týraly ánshiniń PR - menedjeri Alpamys Shárimov óziniń instagram jeke paraqshasynda jazady.
«Bul - fotoshop emes! Bul álemniń eń jarqyn qalalarynyń biri Niý Iork qalasy, Taim Skverdegi eń úlken BASTY LED displei! 101 FM radio media ortalyǵy tanymal juldyzdar arasynda osy qurmetke ie bolý úshin báige jariialaǵan bolatyn. Qazaq balasynyń álemdik jankúierleri, Dears-tyń yqpalymen daýys berý arqyly Amerikanyń tórinde Dimash Qudaibergenniń @kudaibergenov.dimash sýreti milliondarǵa jariia boldy! Túrli ult ókilderi, Taim Skverdiń kópshiligi endi osynaý basty ekrannan Qazaq ánshisin tani alady!», - deidi Shárimov.
Eske sala keteiik, Dimash qytaidyń «Singer 2017» án baiqaýyna qatysyp, erekshe talantymen álemge tanymal bolǵan. Bul kúnde ánshige qytailyq jankúierleri erekshe yqylas bildirýde. Onyń qytailyq weibo áleýmettik jeke paraqshasyna jazylýshylar sany 3 million 300 myńnan assa, úlken merekelik sharalar men kontsertter Dimashsyz ótpeitin boldy. Ánshi 27 naýryz kúni Shanhai qalasyndaǵy 24-kezekti «China Top music Awards» sharasynyń «Aziianyń eń tanymal ánshisi» (Best Asia popularsinger) nominatsiiasy boiynsha marapattaldy.
