Dimash Qudaibergenniń oryndaýyndaǵy Qytaidyń "Battle of memories" filminiń saýndtregi birinshi kúnnen Qytaidaǵy ITunes QQ qosymshasynda eń kóp tyńdalatyn ánderdiń kósh basynda, - dep jazady kaz.tengrinews.kz. Bul týraly qazaqstandyq ánshiniń PR-direktory ári dosy Alpamys Sharimov habarlaǵan.
Aita keteiik, "Battle of memories" mistikalyq trilleri Qytaida 6 sáýirde prokatqa shyǵady. Siýjet boiynsha, belgili roman jazýshy Hýan Bo otbasyndaǵy sátsizdikterdi esinen shyǵaryp tastaidy. Al keiinnen ol sol sátterdi qaitarmaqshy bolyp, siýjet boiynsha qylmysker bolyp ketedi.
Dimash Qudaibergenniń qytai tilinde shyqqan kompozitsiiasyn bes saǵat ishinde 155 myń adam aqyly túrde júktegen.
Sonymen qatar, jaqynda Qytaidaǵy jergilikti Hunan TV telearnasynyń qazaqstandyq ánshi jaily derekti film daiyndaǵany belgili boldy. Filmde ánshiniń muraǵattaǵy kontsertteriniń videolary, sýretteri, sondai-aq, sarapshylardyń onyń daryny jaily aitylǵan sózderi bar. Sonymen qatar, filmde Dimash Qudaibergenniń ájesimen jáne atasymen aitqan áńgimesi qyzyǵýshylyq týdyrady.
Derekti filmniń áserli sátterin dalatunes.kz portaly orys tiline aýdarǵan eken.
Aita keteiik, keshe, 4 sáýirde Dimash Qudaibergenniń finaldyń birinshi kezeńinde qandai án aitatyny belgili bolǵan edi. "8 sáýir kúni Finaldyń alǵashqy saiys kúni italiandyq án Adriano Chelentanonyń "Confessa" jáne "Besinshi element" filmindegi Diva Plavalagýnanyń ariiasyn tyńdai alasyzdar! Tilekterińiz ben qoldaýlaryńyzǵa raxmet! Birgemiz", - dep jazǵan edi Dimash Qudaibergen Instagram jelisindegi paraqshasynda.
Eske sala keteiik, Dimash Qudaibergen I am a Singer baiqaýynyń 10-shy kezeńinde 3-oryn alyp, baiqaýdyń finalyna shyqqan bolatyn. Bul kezeńde qazaqstandyq ánshi "Umytylmas kún" ánin qazaq jáne qytai tilinde oryndady. Aita keteiik, ánniń avtory Dimash Qudaibergenniń ózi de, sózin Oral Baiseńgir jazǵan. Al 1 sáýirden bastap baiqaýdy qazaqstandyq telearna kórcetip jatyr.
Sondai-aq, Dimash Qudaibergenniń Astanada Lara Fabianmen birge án salatyny habarlanǵan bolatyn. "Dimash Qudaibergen shaqyrady" kontserti "Astana Arena" sahnasynda 27 maýsymda ótetini aitylǵan edi.
