Reseilik tanymal kompozitor Igor Krýtoidyń Dimash Qudaibergenge arnap jazǵan áni shyqty, dep habarlaidy QazAqparat.
Bul týraly Dimash Qudaibergen Instagram-daǵy paraqshasynda jazdy.
Buǵan deiin, Igor Krýtoi Dimashqa án jazyp jatqany týraly habarlaǵan bolatyn.
Ánniń aty – «Men seni saǵynyp júrmin» (Ia skýchaiý po tebe). Ánniń sózin Igor Krýtoimen birge kompozitordyń dosy Igor Nikolaev jazyp shyqqan. «Igormen birge birlesken týyndyny shyǵarmaǵaly biraz ýaqyt bolyp qaldy. Biraq qazir taǵy da shyǵarmashylyq qońyraýlar, túzetýler, ýaiym men estegi eski kúnderdiń jańǵyryǵy... Dimashpen de sol sharýa – daýys yrǵaǵyn anyqtaý jumystary. Eldegi eń tanymal (bizdiń eldegi ǵana emes) daýys iesi Dimashty kútý... Osy ánniń taǵdyry jarqyn, al oǵan súiengen mahabbat ieleri baqytty bolar degen senimdemin», - dep jazady Igor Krýtoi.
