Dimash Qudaibergen men Igor Krýtoi jańa ánderin usynady. Bul týraly Reseidiń halyq ártisi TASS agenttigine bergen suhbatynda aitty, dep habarlaidy QazAqparat.
«Meniń 26 qazan kúni Niý-Iorktegi «Barklais-tsenterde» ótetin mereitoilyq keshimde Dimash tanymal bolyp úlgergen bes-alty tańdaýly ándi aitady, budan bólek taǵy birazynyń ústinde jumys istep jatyrmyz», - dedi Igor Krýtoi.
Kompozitordyń aitýynsha, Dimashtyń da oǵan kóp kómegi tiip otyr. «Onyń kontentin tyńdarmandar asyǵa kútip otyrady. Án shyqty ma, erteńine tańerteń 2 mln qaralym, 10 mln qaralym... Men mundaidy buǵan deiin kórgen emespin», - deidi mýzykant.
Dimash Qudaibergen tamyz aiynyń aiaǵynda Sochi qalasynda Igor Krýtoi uiymdastyrǵaly otyrǵan «Novaia volna» festivalinde, kúzde Niý-Iork, Máskeý, Mins, Diýsseldorf qalalarynda ótetin mereitoi kontsertterinde óner kórsetedi.
Budan bólek, qazaq ánshisi Reseidiń Sankt-Peterbýrg jáne AQSh-tyń Niý-Iork qalalarynda jeke kontsertin ótkizedi.
Eske sala keteiik, buǵan deiin Dimash Qudaibergen áigili Lara Fabianmen dýet oryndaitynyn habarlaǵan edi.
