ديماش قۇدايبەرگەن مەن يگور كرۋتوي جاڭا ەندەرٸن ۇسىنادى. بۇل تۋرالى رەسەيدٸڭ حالىق ەرتٸسٸ تاسس اگەنتتٸگٸنە بەرگەن سۇحباتىندا ايتتى, دەپ حابارلايدى قازاقپارات.
«مەنٸڭ 26 قازان كٷنٸ نيۋ-يوركتەگٸ «باركلايس-تسەنتەردە» ٶتەتٸن مەرەيتويلىق كەشٸمدە ديماش تانىمال بولىپ ٷلگەرگەن بەس-التى تاڭداۋلى ەندٸ ايتادى, بۇدان بٶلەك تاعى بٸرازىنىڭ ٷستٸندە جۇمىس ٸستەپ جاتىرمىز», - دەدٸ يگور كرۋتوي.
كومپوزيتوردىڭ ايتۋىنشا, ديماشتىڭ دا وعان كٶپ كٶمەگٸ تيٸپ وتىر. «ونىڭ كونتەنتٸن تىڭدارماندار اسىعا كٷتٸپ وتىرادى. ەن شىقتى ما, ەرتەڭٸنە تاڭەرتەڭ 2 ملن قارالىم, 10 ملن قارالىم... مەن مۇندايدى بۇعان دەيٸن كٶرگەن ەمەسپٸن», - دەيدٸ مۋزىكانت.
ديماش قۇدايبەرگەن تامىز ايىنىڭ اياعىندا سوچي قالاسىندا يگور كرۋتوي ۇيىمداستىرعالى وتىرعان «نوۆايا ۆولنا» فەستيۆالٸندە, كٷزدە نيۋ-يورك, مەسكەۋ, مينس, ديۋسسەلدورف قالالارىندا ٶتەتٸن مەرەيتوي كونتسەرتتەرٸندە ٶنەر كٶرسەتەدٸ.
بۇدان بٶلەك, قازاق ەنشٸسٸ رەسەيدٸڭ سانكت-پەتەربۋرگ جەنە اقش-تىڭ نيۋ-يورك قالالارىندا جەكە كونتسەرتٸن ٶتكٸزەدٸ.
ەسكە سالا كەتەيٸك, بۇعان دەيٸن ديماش قۇدايبەرگەن ەيگٸلٸ لارا فابيانمەن دۋەت ورىندايتىنىن حابارلاعان ەدٸ.
