«Iýansiao» shamdar festivaliniń aldynda qytailyq jýrnalisterge arnalǵan baspasóz máslihatynda Dimash Qudaibergen qazaqtyń halyq áni «Dýdaraidy» oryndap berdi, dep habarlaidy Ult.kz tilshisi QazAqparat agenttigine silteme jasap.
«Men mindetti túrde kontsert ótkizemin. Al qazir meniń shabytym kelip tur, án aityp bergim keledi. Qazaqtyń halyq áni «Dýdarai»,-dedi ol jýrnalisterdiń jeke kontsert ótkizip, qazaq ánderin oryndaýǵa qatysty qoiǵan saýalyna jaýap berip turyp.
«Syrttan kelgen kishi baýyr» dep ataidy eken Dimashty qytaida, ol «Dýdarai» ánin oryndap, jinalǵandardy «Iýansiao» shamdar festivaliniń bastalýymen quttyqtady.
Aita keteiik, senbi kúni «Iýansiao» festivaliniń bastalýyna orai Hunan.TV telearnasy arqyly ótken merekelik kontsertte Dimash «Oi jailaý» ánin oryndaǵan bolatyn.
Kontsertten soń Hýnan telearnasynyń efirine «Singer» baiqaýynyń 4-shi kezeńiniń taspasy kórsetildi. Onda Dimash osy baiqaýda alǵash ret ánin qytai tilinde oryndaǵan bolatyn jáne ol júldeli 3-shi orynǵa ie boldy.
«Singer» baiqaýynyń 5-shi kezeńi Hýnan telearnasynan 18 aqpan kúni kórsetiledi. Alaida, qazirdiń ózinde Dimashtyń «Uptown Funk» ánimen 5-shi oryndy jeńip alyp án baiqaýynyń kelesi kezeńine ótkendigi belgili bolyp otyr.
