Dimash Qudaibergen QHR Tóraǵasy Si Tszinpinge arnap án aityp bergisi keletin aitty, dep habarlaidy QazAqparat.
Bul týraly ánshi Qytaidyń CCTV ortalyq telearnasyna bergen suhbatynda málim etken.
«Álem halqynyń úshten biri Qytaida turady. Osy eldegi jankúierlerimniń maǵan degen sezimi búkil qazaq halqyna degen, qazaq baýyrlarymyzǵa degen qurmeti dep bilemiz. Osyndai úlken memlekette án salyp, óner kórsetý men úshin úlken baqyt. Tóraǵa Si Tszinpinniń elimizge sapary barsynda, ózimniń repertýarymdaǵy eń jaqsy dep sanaityn ánimdi oryndap bergim keledi. Jáne de oraiy kelip jatsa meniń jolymdy ashqan «Ánshi» jobasyna qatystyryp, osyndai múmkindik týǵyzyp otyrǵan Qazaqstan men Qytai eliniń arasyndaǵy dostyq qarym-qatynastyń saqtalyp kele jatqany úshin rahmetimdi ánmen jetkizgen bolar edim. Eki eldiń dostyǵyn ata-babalarymyz amanat etip qaldyrǵan mádeni murasyn bir-birimizge kórsetý arqyly nyǵaita túsemiz dep oilaimyn», - deidi Dimash Qudaibergen atalmysh telearnaǵa bergen suhbatynda.
