Qytaidaǵy «Singer» baiqaýynda erekshe ónerimen álemge tanymal bolǵan qazaqstandyq ánshi Dimash Qudaibergen gollivýdtyq «Power Rangers» filminiń saýndtregin oryndady, dep habarlaidy QazAqparat.
Bul týraly Qytaidaǵy distribiýtorlyq kompaniia Weibo áleýmettik paraqshasynda habarlap, kartinanyń 10 sekýndtyq treileri men foto-afishasyn júktedi. Weibo-daǵy aqparattarǵa qaraǵanda, filmdi jarnamalaý maqsatynda arnaiy túsirilgen klipte Dimash «Go Go Power Rangers» ánin oryndady.
«Power Rangers» amerikanyń Lions Gate Entertainment jáne Qytaidyń TIK Films kompaniialary birlesip túsirgen sýperbatyrlar janryndaǵy kino. 24 naýryz kúni Amerikada jáne Taivanda tanystyrylymy ótken. Qytaida prokatqa sáýir aiynyń basynda shyǵady dep kútilýde.
Eske sala keteiik, Qytaida erekshe tanymaldylyqqa qol jetkizgen qazaqstandyq jas talant Dimash Qudaibergen keshe Shańhai qalasynda ótken 24-kezekti «China Top music Awards» sharasynda «Aziianyń eń tanymal ánshisi» (Best Asia popularsinger) nominatsiiasy boiynsha marapattalǵan bolatyn.
