11 aqpan kúni Qytaida ótip jatqan «Singer - 2017» án baiqaýynyń tórtinshi kezeńi efirde kórsetilip, qazaqstandyq ánshi Dimash Qudaibergen úshinshi orynnan kórindi.
Ekinshi ainalymnyń eki jarys kúniniń (úshinshi jáne tórtinshi kezeń) qorytyndysy boiynsha, Dimash sáikesinshe 14,82% jáne 15,56% daýystar jinap, qorytyndy esepte 15,19% daýyspen ekinshi orynǵa ornalasty. Osylaisha ol kelesi ainalymǵa ótti.
Ekinshi ainalymnyń qorytyndysy:
1. Tan Tszin (19%)
2. Dimash Qudaibergenov (15,19%)
3. «Lion» rok toby (14,53%)
4. Sandy Lam (14,09%)
5. Chjao Lei (13,01%)
6. Chjan Tsze (12,28%)
7. Dý Lisha (11,87%)
Aita keteiik, jerlesimiz birinshi kezeńde 27,00%, al ekinshi kezeńde 24,36% daýys jinap, birinshi ainalymnyń qorytyndysy boiynsha 25,68% daýyspen bas júldeni enshilegen bolatyn.
Buǵan deiin habarlaǵanymyzdai, 5 ainalymnan turatyn irikteý kezeńiniń ár ainalymy eki kezeńdi qamtidy, baiqaý jalpy on kezeńge bólingen. Jobanyń ár ainalymynyń eki jarys kúninen keiin jalpy qorytyndy jariialanady. Tórtinshi kezeńde Dý Lisha hanym tórtinshi oryndy ielengenimen, qorytyndy esep boiynsha jetinshi orynnan kórinip, jarys jolynan shyǵyp qaldy.
Dimash besinshi kezeńde amerikalyq ánshi Piter Djin Ernandestiń (Brýno Mars) repertýarynan «Uptown Funk» ánin oryndamaq.
