Qytaida erekshe tanymaldylyqqa ie bolǵan qazaqstandyq ánshi Dimash Qudaibergen Shanghai Media Group kompaniiasy uiymdastyryp otyrǵan 24-kezekti «China Top music Awards» syilyǵyn tabys etý saltanatty sharasynyń qyzyl kilemimen júrip ótti, dep habarlaidy Ult.kz tilshisi QazAqparat agenttigine silteme jasap.
Dimash bul sharada «Aziianyń eń tanymal ánshisi» (Best Asia popular singer) nominatsiiasyna usynylǵandardyń qatarynda. Osy keshte Dimash ózin barsha álemge tanymal bolýyna sebepshi bolǵan álemde eń qiyn bes ánniń biri sanalatyn frantsýzdyń «SOS d'un terrien en détresse» ánin shyrqaityn bolady.
Aita keteiik, «China Top music Awards» - 1994 jyldan beri uiymdastyrylyp kele jatqan daryndy oryndaýshylardy marapattaityn shara. Ol Qytai mýzykalyq qoǵamdastyǵyndaǵy eń aitýly oqiǵalardyń biri sanalady. Sonymen qatar osy syilyqty «qytailyq Gremmi» dep te ataidy.
