Foto: Dimahnews.kz
Qazaqstannyń halyq ártisi Dimash Qudaibergen KSRO halyq ártisi Bibigúl Tólegenova atyndaǵy alǵashqy kreativ mekteptiń ashylýyna qatysty, dep habarlaidy "Ult aqparat" Dimashnews.kz saityna silteme jasap.
Bilim ordasy 1 qyrkúiekte Astanada esigin aiqara ashty. Mekteptiń ashylý saltanatyna Bibigúl Tólegenova, mekteptiń bas quryltaishysy jáne Forbes Kazakhstan baspageri Armanjan Baitasov, sondai-aq Dimash Qudaibergen qatysty.
Bul mektep tehnologiia men shyǵarmashylyqty meńgerýge qumar balalarǵa arnalǵan innovatsiialyq bilim berý ortalyǵy retinde quryldy. Munda oqýshylar negizgi pándermen qatar, kreativ fakýltetterde ózderiniń shyǵarmashylyq qabiletterin shyńdai alady. Mýzykalyq janrlardy, mýzyka teoriiasyn jáne oryndaýshylyq ónerdi zertteý Music fakýltetinde júrgiziledi. Digital fakýlteti baǵdarlamalaý, veb-ázirleý, jasandy intellekt pen kiberqaýipsizdik siiaqty zamanaýi tehnologiialardy úiretedi. Sonymen qatar, Art fakýlteti beineleý óneri, grafikalyq jáne arhitektýralyq dizain arqyly shyǵarmashylyq oilaýdy damytýǵa arnalǵan. STEM fakýlteti fizika, himiia, biologiia, injeneriia jáne robototehnika siiaqty ǵylymdardy qamtidy.
Mekteptiń ashylýynda Dimash Qudaibergen men Armanjan Baitasov bolashaq oqýshylardy jańa oqý jylymen quttyqtap, olardyń el damýyna zor úles qosatynyna senim bildirdi.
