Dimash Qudaibergen Aziianyń eń tanymal ánshisi nominatsiiasyna usynyldy, - dep habarlaidy kaz.tengrinews.kz tilshisi. Bul týraly ánshiniń PR-direktory ári dosy Alpamys Sharimov habarlady.
"Dostar! Taǵy da taqym qysatyn sát keldi. Erteń Tikelei efir 19:30-da Dragon TV(东方卫视) arnasynda Aziianyń eń úlken masshtabtaǵy marapaty China Top music Awards sharasy ótedi. Dimashymyz @kudaibergenov.dimash Best Asia popular singer ("Aziianyń Eń tanymal ánshisi") nominatsiiasyna usynylǵandardyń qatarynda. Alǵash qatysyp otyrǵan xalyqaralyq marapattan úmitimiz zor!!! Osy keshte Aziianyń ánshilerimen birge qyzyl kilemnen ótip, óner kórsetetin bolady. Bári de Sizderdiń tilekterińizben! Al, jaqsylyqqa joriyq!!!", - dep jazdy ánshiniń ókili.
Al ánshiniń ózi bul týraly bylai dep jazdy: Shanhai, Dears, erteń 15:00 qyzyl kilemde (red carpet)/ 19:30 Mercedes Bens Arena-da kezdeskenshe!!! Aziianyń eń úlken masshtabtaǵy China Top music Awards marapatynda ádemi kóńil-kúi syilaýǵa tyrysamyn!!! Jaqsy kóremin".
Eske sala keteiik, keshe Dimash Qudaibergen I am a Singer baiqaýynyń 10-shy kezeńinde 3-oryn alyp, baiqaýdyń finalyna shyqqan bolatyn. Bul kezeńde qazaqstandyq ánshi "Umytylmas kún" ánin qazaq jáne qytai tilinde oryndady. Aita keteiik, ánniń avtory Dimash Qudaibergenniń ózi de, sózin Oral Baiseńgir jazǵan.
