Dimash Qudaibergen reseilik ánshi Alla Pýgachevanyń shyǵarmashylyq keshine qatysady. Bul týraly ánshi Instagram paraqshasynda jazdy, dep habarlaidy QazAqparat.
«Alla Borisqyzy Pýgachevanyń shyǵarmashylyq keshinde kezdeskenshe», - dep jazdy ol.
«Allaǵa arnalǵan syilyq» kontserti 8 sáýirde Máskeýdegi Krokýs Siti Holl ǵimaratynda ótedi. Oǵan Grigorii Leps, Sergei Shnýrov, Svetlana Loboda, Valerii Leontev syndy tanymal juldyzdar qatysady dep kútilýde.
Kesh júrgizýshisi - ázil-syqaqshy Maksim Galkin.
Alla Pýgacheva - Keńes Odaǵynyń jáne Reseidiń estrada ánshisi, kompozitor, telejúrgizýshi jáne aktrisa. KSRO Halyq ártisi (1991), RF Memlekettik syilyǵynyń Laýreaty (1995). Onyń repertýarynda orys, aǵylshyn, frantsýz, nemis, ýkrain tilderinde 500-ge jýyq án bar. Ánshi 2019 jyldyń 15 sáýirinde 70 jasqa tolady.
Aita keteiik, Dimash Qudaibergenniń 22 jáne 23 naýryz kúnderi Kreml saraiynda ótken kontsertteri anshlag jinady. Dimashtyń ónerin tamashalaýǵa álemniń 50-den astam elinen jankúier keldi.
