Qazaqstandyq tanymal ánshi Dimash Qudaibergen Qytaidaǵy saparyn aiaqtap, Astanaǵa qaityp keldi, dep habarlaidy QazAqparat.
Dimash 21 shilde Beijińnen Almatyǵa ushyp keldi. Ánshi búgin Astana qalasynda ótetin XIII Halyqaralyq «Eýraziia» kinofestivaline qatysý úshin elordaǵa oraldy.
Bul týraly ánshi óziniń Instagramdaǵy paraqshasynda «Týǵan jerge aman-esen jettim! Buiyrsa erteń Astanada halyqaralyq «Eýraziia» kinofestivalinde kezdeskenshe, dostar!», - dep jazdy.
Kóptegen jankúierleri áýejaiǵa aldyn-ala jinalyp, ánshini qazaqtyń dástúrimen shashý shashyp, qoshamettep qarsy aldy.
Aita keteiik, Dimash 19 shilde kúni Qytaidyń Gýanchjoý qalasyndaǵy Asian Music GaLa sharasynda «Eń tanymal shet eldiń ánshisi», 20 shilde kúni Shenchjen qalasynda 2017 MTV Music awards sharasynda «Aziianyń eń tanymal sheteldik ánshisi» nominatsiiasy boiynsha marapattaldy.
