قازاقستاندىق تانىمال ەنشٸ ديماش قۇدايبەرگەن قىتايداعى ساپارىن اياقتاپ, استاناعا قايتىپ كەلدٸ, دەپ حابارلايدى قازاقپارات.
ديماش 21 شٸلدە بەيجٸڭنەن الماتىعا ۇشىپ كەلدٸ. ەنشٸ بٷگٸن استانا قالاسىندا ٶتەتٸن XIII حالىقارالىق «ەۋرازييا» كينوفەستيۆالٸنە قاتىسۋ ٷشٸن ەلورداعا ورالدى.
بۇل تۋرالى ەنشٸ ٶزٸنٸڭ ينستاگرامداعى پاراقشاسىندا «تۋعان جەرگە امان-ەسەن جەتتٸم! بۇيىرسا ەرتەڭ استانادا حالىقارالىق «ەۋرازييا» كينوفەستيۆالٸندە كەزدەسكەنشە, دوستار!», - دەپ جازدى.
كٶپتەگەن جانكٷيەرلەرٸ ەۋەجايعا الدىن-الا جينالىپ, ەنشٸنٸ قازاقتىڭ دەستٷرٸمەن شاشۋ شاشىپ, قوشامەتتەپ قارسى الدى.
ايتا كەتەيٸك, ديماش 19 شٸلدە كٷنٸ قىتايدىڭ گۋانچجوۋ قالاسىنداعى Asian Music GaLa شاراسىندا «ەڭ تانىمال شەت ەلدٸڭ ەنشٸسٸ», 20 شٸلدە كٷنٸ شەنچجەن قالاسىندا 2017 MTV Music awards شاراسىندا «ازييانىڭ ەڭ تانىمال شەتەلدٸك ەنشٸسٸ» نوميناتسيياسى بويىنشا ماراپاتتالدى.
