Qazaqstandyq ánshi Dimash Qudaibergen Aqtaýda qaza tapqan 18-19 jastaǵy áskeri qyzmetshilerdiń qazasyna bailanysty kóńil aitty, dep habarlaidy ult.kz.
Óner iesi áleýmettik jelidegi paraqshasynda marqumdardy «inilerim» dep atap, olardyń ómiriniń tym erte úzilgenine qinalǵanyn jetkizdi.
«Balalyq kezeńnen endi ǵana shyǵyp kele jatqan kezde jap-jas ǵumyrlardyń osylaisha úzilip ketkeni…» – dep jazdy Dimash.
Ánshi qaza bolǵandardyń ata-anasy men týǵan-týystaryna kóńil aityp, Alladan sabyr men kúsh tiledi.
«Eshbir ata-ana balasynyń artynda qalmasyn… Elimizde mundai qasiret endi qaitalanbasyn. Qosh bolyńdar, baýyrlarym…» – dedi ol.
